OBF Kalaallit Nunaat
Danmarkimi Naqinnernik Ilisarsisinnaanngitsut Peqatigiiffiat 2025-mi Kalaallit Nunaanni immikkoortortaqarfimmik ammaaniarput ateqartussamik, OBF Kalaallit Nunaat. Taamatut alliliineq tulluusimaarutigaarput, ingerlaavartumillu paasissutissiinissaq qilanaarivarput.
Immikkoortortaqarfik OBF Kalaallit Nunaat, inuit naqinnernik ilisarsisinnaanngitsut qanigisaasalu, pisariaqartitaannik ikiorneqarnissaat ikorfartorneqarsinnaallu – aamma Kalaallit Nunaanni – qulakkiissallugu pilersinneqarpoq.
Immikkoortortaqarfik OBF Kalaallit Nunaat pillugu apeqqutissaqaruit, allattoqarfimmut attaveqarnissannut tikilluaqquneqarputit uunga kontor@ordblind.org. Kontakter du sekretariatet på denne mail, bedes du henvende dig på dansk, hvis muligt.
Allanngueqataagit
OBF Kalaallit Nunaat peqataaffigalugu, Kalaallit Nunaanni naqinnernik ilisarsisinnaanngitsut allanngueqataaffigerusuppigit? Allattoqarfik attavigiuk uunga kontor@ordblind.org imaluunniit OBF Kalaallit Nunaata siulittaasua uunga elh.kalaallit-nunaat@ordblind.org. Kajumissutsiminnik suleqataarusuttunik amerlanernik pissarserusoqaagut!
Aallarnisaleratta, ilaatigut kajumissutsiminnik, Kalaallit Nunaanni illoqarfinni nunallu immikkoortuini attaveqaataanissamut kajumittunik, suleqataarusuttunik eqeersimaartunik pissarsiorpugut. Inuit tamaasa angorusuppagut! Sumiiffinni attaveqaataarusuppit, siulittaasoq saaffigiuk.
Immersuillutit kajumissutsimik suleqataalersinnaavutit immersugassaq – una tooruk.
Kalaallit Nunaanni immikkoortortaqarfipput tapersersorusukkukku ilaasortanngorit. Ilaasortanngorit sulinerpullu tapersersorlugu – una toorlugu ilaasortanngorit. Malugiuk, Naqinnernik Ilisarsisinnaanngitsut Peqatigiiffianut ilaasortaaneq Kalaallit Nunaanni Danmarkimilu atuummat. OBF Kalaallit Nunaat peqataaffigisinnaavat taamaallaat Kalaallit Nunaanni najugaqaruit.
Kalaallit Nunaat immikkut uummateqarfigaajuk? Nammineq aaliangikkannik MobilePay bankikkulluunniit nuussineq atorlugu ikisisinnaavutit, taamaalillutillu Kalaallit Nunaanni immikkoortortaqarfipput tapersersorlugu.
MobilePay atorlugu nuussigit:
Nammineq aaliangikkannik uunga ikisigit 21094
Allaffissartaani ”Grønland” allaguk.
Bankikkut nuussigit:
Reg.nr.: 2251
Konto nr.: 8974109248
Allaffissartaani ”Grønland” allaguk.
Siulersuisut naapikkit
Naqinnernik ilisarsisinnaannginneq sunaava?
Naqinnernik ilisarsisinnaannginneq ilikkagaqarnissamut ajornartorsiutaavoq qaratsap sananeqaataannik aallaavilik, innarluutitut isigineqartoq. Ataavartumik pisinnaasanik annikilliliineruvoq, Oqaatsimi nipit naqinnernut ataqatigiilersitsinissamut ajornakusoortitsisoq. Naqinnernik ilisarsisinnaannginneq isiginiarnermut tusaaniarnermullu attuumassuteqanngilaq.
Naqinnernik ilisarsisinnaannginneq inummiit inummut assigiinngitsunik ilisarnaateqarpoq. Taamatuttaaq inunni ataasiakkaani, pisuni sumiinneq apeqqutaalluni, unammilligassat allanngorarsinnaapput. Taamaammat naqinnernik ilisarsisinnaannginnermi ajornartorsiutinik aaqqiineq ataasiinnaanngilaq. Tamatumani paasissutissat qitiulluinnarput – paasissutissat taakku, OBF Kalaallit Nunaata aamma Ordblindeforeningen avitsissutigissallugit pilersinneqarsimapput.
Nyheder
Gratis læse- og skrivehjælp til elever og studerende i Grønland – Den 1. september 2025
Uddannelsesstyrelsen i Grønland har indgået en aftale med Vitec MV, som betyder, at alle uddannelsesinstitutioner får gratis adgang til læse- og skriveværktøjet IntoWords fra 1. september 2025.